ជំពូក៥ ជីវវិទ្យាក្នុងវិស័យកសិកម្ម
មេរៀនទី១ ជី
ជី ជាប្រភពនៃសារធាតុចិញ្ចឹម ឬអាហារបម្រុងសំខាន់របស់រុក្ខជាតិ។ ជីមានពីរប្រភេទគឺ ជីគីមី និងជីធម្មជាតិ។ ជីគីមីផលិតឡើងពីរ៉ែថ្មនិងសារធាតុគីមីផ្សេងៗដូចជា ជីអ៊ុយរ៉េ ជីផូស្វាត ជីប៉ូតាស្យូម...។ ជីធម្មជាតិ ជាជីដែលផលិតឡើងពីវត្ថុនានាដែលមានជីវិតដូចជារុក្ខជាតិ សត្វ និងកម្ទេចកំទីដែលសេសសល់ពីរុក្ខជាតិ និងសត្វដូចជា ជីលាមកសត្វ ជីកំប៉ុស្ត ជីស្រស់ ជីអាចម៍ជន្លេន ជីកំប៉ុស្តទឹកជាដើម។
 |
| ជីកំប៉ុស្តគោកនិងកំប៉ុស្តទឹក |
ជីគីមី ធ្វើឱ្យដំណាំលូតលាស់បានរហ័ស ប៉ុន្តែ ការប្រើប្រាស់វាយូរឆ្នាំអាចបណ្ដាលឱ្យខូចគុណភាពដី ហើយដំណាំទទួលបានទិន្នផលទាប។ ចំណែកជីធម្មជាតិ បង្កើនសារធាតុចិញ្ចឹមគ្រប់គ្រាន់ដល់ដីសម្រាប់ការលូតលាស់របស់រុក្ខជាតិ។ ការប្រើប្រាស់វាយូរឆ្នាំ ជួយបង្កើនគុណភាពដីឱ្យកាន់តែប្រសើរឡើង ហើយដំណាំទទួលបានទិន្នផលខ្ពស់។
