ជីវវិទ្យា
១-ជីវវិទ្យា ជាអ្វី?
ជីវវិទ្យា ជាវិទ្យាសាស្ត្រដែលសិក្សាអំពីនានានៃភាវរស់។
២-ចូរពន្យល់ពាក្យភាវរស់។ តើភាវរស់មានលក្ខណៈពិសេសអ្វីខ្លះ?
ភាវរស់ ជាភាវៈទាំងឡាយណាដែលមានជីវិតដូចជាបាក់តេរី ប្រូទីស ផ្សិត រុក្ខជាតិ និងសត្វ។ ភាវរស់មានលក្ខណៈពិសេសដូចជា
- រូបផ្គុំសារពាង្គកាយបង្កឡើងពីកោសិកា
- មានតម្រូវការថាមពល
- មានការបន្តពូជ និងការលូតលាស់ធំធាត់
- តំណបទៅនឹងរំញោច
- ការរក្សាថេរលំនឹង
- វិវត្តន៍
ការធំធាត់ ជាលំនាំដែលសារពាង្គកាយក្លាយជាធំ។ ការលូតលាស់ ជាលំនាំនៃការផ្លាស់ប្តូរក្នុងរយៈពេលនៃការរស់នៅរបស់សារពាង្គកាយ ដើម្បីក្លាយទៅជាសារពាង្គកាយពេញវ័យ ឬមានលក្ខណៈពេញលេញ។ ឧទាហរណ៍ៈ ទារករីកធំធាត់ ហើយមានបម្រែបម្រួលក្លាយជាមនុស្សពេញវ័យ។
៤-ដូចម្ដេចដែលហៅថា រំញោច? តំណបរំញោច?
- តំណបរំញោច ជាប្រតិកម្មរបស់សារពាង្គកាយទៅនឹងរំញោច។ ឧទាហរណ៍ៈ ស្លឹកកញ្ឆែតមានតំណបទៅនឹងការប៉ះ ការភ្ញាក់នឹងសូរសំឡេងស៊ីផ្លេឡាន...។
- រំញោច ជាបម្រែបម្រួលក្នុងមជ្ឈដ្ឋានដែលធ្វើឱ្យសារពាង្គកាយមានប្រតិកម្ម។ ឧទរហណ៍ៈ សំឡេង សីតុណ្ហភាព ពន្លឺ សារធាតុចិញ្ចឹម កម្រិតpH...។
ពីព្រោះកោសិកានៃសារពាង្គកាយរបស់ភាវរស់ប្រើប្រាស់ថាមពលនៅពេលសារពាង្គកាយត្រូវការសម្រាប់សកម្មភាពនានានៃជីវិតដូចជា ដំណកដង្ហើម ការលូតលាស់ធំធាត់ ការធ្វើចំណែកកោសិកា ការកន្ត្រាក់សាច់ដុំ ការបញ្ចេញចោល ការរំលាយអាហារ...។
៦-មីក្រូទស្សន៍ជាអ្វី? តើអ្នកវិទ្យាសាស្ត្របង្កើតមីក្រូទស្សន៍ដើម្បីអ្វី?
មីក្រូទស្សន៍ ជាឧបករណ៍ប្រើកែវពង្រីកដើម្បីពង្រីករូបភាពនៃវត្ថុតូចឱ្យទៅជាធំបាន។ អ្នកវិទ្យាសាស្ត្របង្កើតមីក្រូទស្សន៍ដើម្បីសិក្សាស្រាវជ្រាវមើលសារពាង្គកាយតូចល្អិត និងសិក្សាពីទម្រង់លំអិតរបស់កោសិកា។
៧-ដូចម្ដេចដែលហៅថា មីក្រូទស្សន៍សមាស? ចូរប្រាប់ឈ្មោះផ្នែកផ្សេងៗនៃមីក្រូទស្សន៍។
មីក្រូទស្សន៍សមាស ជាមីក្រូទស្សន៍ប្រើកែវពង្រីកលើសពីមួយ ហើយអាចពង្រីកមើលរូបភាពបានច្បាស់ជាងមីក្រូទស្សន៍ប្រើកែវពង្រីកតែមួយ។ ផ្នែកផ្សេងៗនៃមីក្រូទស្សន៍រួមមាន ដៃ អូគុយលែ បំពង់អូគុយលែ អុបសិចទីប ឆ្នាប់បង្វិល រ៉ឺស័រ ថាស ដ្យាប្រាម កញ្ចក់ទេរ បាត វីសធំ និងវីសតូច។
៨-តើមីក្រូទស្សន៍ជួយអ្វីខ្លះដល់អ្នកវិទ្យាសាស្ត្រ?
មីក្រូទស្សន៍ ជួយអ្នកវិទ្យាសាស្ត្រឱ្យរកឃើញនូវអាថ៌កំបាំងផ្សេងៗដែលមិនអាចមើលឃើញដោយភ្នែកទទេបានដូចជា ធាតុកោសិកា ទម្រង់លំអិតរបស់កោសិកា។